BAWAL KASI BAWAL
Ang bawalang ikaw'y mahalin
ay bawalan akong kumain.

Bawalan akong uminom.
Bawalan akong matulog.
Bawalan akong huminga.
Bawalan akong mahanginan.
Bawalan akong maglakad.
Bawalan akong mag-unat ng paa.
Bawalan akong magpahinga.
Bawalan akong uminom ng paracetamol
pag 38.5 ang aking lagnat.
Bawalan akong dumighay.
Bawalan akong maggupit ng kuko.
Bawalan akong pumikit.
Bawalan akong dumilat.
Bawalan akong magtanong.
Bawalan akong matunawan.
Bawalan akong magsalita.
Bawalan akong kumanta.
Bawalan akong mag-isip.
Bawalan akong gumalaw.
Bawalan akong huminga ng malalim
pag irregular ang aking heartbeat.
Bawalan akong mag-alis ng muta.
Bawalan akong magtanong.
Bawalan akong tanungin.
Bawalan akong pumunta sa duktor.
Bawalan akong puntahan ng duktor.
Bawalan akong masikatan ng araw.
Bawalan akong sumikat.
Bawalan akong gumaling sa sakit.
Bawalan akong gumaling sa aking sining.
Bawalan akong magtrabaho.
Bawalan akong maglaro.
Bawalan akong magpinta.
Bawalan akong magsulat.
Bawalan akong magbasa.
Bawalan akong magbasa ng kamay.
Bawalan akong mabasa ng ulan.
Bawalan akong tumingin sa bituwin.
Bawalan akong kausapin ang bituwin.
Bawalan akong mag-wish sa bituwin.
Bawalan akong maging astronaut.
Bawalan akong maging bumbero.
Bawalan akong makarating sa buwan.
Bawalan akong mangarap.
Bawalan akong makinig ng kanta.
Bawalan akong kumanta.
Bawalan akong manood ng tv.
Bawalan akong panoodin ang aking sarili sa tv.
Bawalan akong magbihis.
Bawalan akong mabihisan.
Bawalan akong tumingin sa orasan.
Bawalan akong tanungin ang oras.
Bawalan akong tanungin kung anong oras.

kung bakit may oras
kung bakit may tanong
kung bakit may bakit
kung bakit bawal.

Ang bawalang
ikaw'y mahalin,
sabihin pa'y
walang inilayo sa
bawalan akong mabuhay.

Tahasan.

___________________________
kay Roma at sa sambayanan..
dahil ang sambayanan at ikaw ay iisa.